“Twitter” şübhəli on milyonlarla abunəçinin hesablarını silə bilər. Facemark.az Rusiya mətbuatına istinadən xəbər verir ki, bu barədə “The New York Times” yazıb.

Bildirilir ki, bir sıra istifadəçilər platformada məşhurluğunu artırmaq və şəxsi mikrobloqlarının populyarlığı və prestiji ilə əlaqədar olaraq, abunəçilərinin sayını artırmaq üçün tez-tez botlar cəlb edirlər. Bu onların onlayn sahədə təsir dairəsini genişləndirməyə və reklam və biznesdə ən böyük effektivliyə nail olmağa icazə verir. Qeyd edildiyi kimi, kiçik firmalar xüsusi olaraq bu məqsədlər üçün avtomatik olaraq yaradılan oxşar hesabları satırlar.

Genişmiqyaslı kampaniya çərçivəsində şirkət artıq cümə axşamından başlayaraq saxta hesabları silmək niyyətindədir. Belə hesabların sayı dəqiq məlum deyil, amma platforma planlaşdırır ki, abunəçilərinin sayını artırmaq üçün istifadə edilən hesabların sayı on milyonlarladır. Güman edilir ki, bu halda sosial platformanın abunəçilərinin sayı 6% azala bilər. “Twitter”in vitse prezidenti Dela Harvi isə deyib ki, şirkət saxta hesablarının sayını artırmaq üçün istifadəçiləri təşviq etmək niyyətində deyil. Çünki bu bir istifadəçinin platformada, eləcə də bütün dünyada təsirinin dəqiq ölçüsü hesab oluna bilməz.

Qeyd edək ki, daha əvvəl şirkət reklam izləmə xidmətini işə saldığını elan etmişdi. Yeni platforma “Reklam Şəffaflıq Mərkəzi” adlanır və mərkəz siyasi kampaniyada hazırlanan reklamları tapmaq və qəbul etməkdən məsuldur. Hazırda adıçəkilən xidmət yalnız ABŞ ərazisində əlçatandır.