“WhatsApp” kiçik biznes sahibləri üçün pulsuz Android tətbiqli “WhatsApp Business”i insanların istifadəsinə təqdim edib.

Facemark.az Türkiyə mətbuatına istinadən xəbər verir ki, “WhatsApp”ın yeni funksiyası mərhələli olaraq bir çox ölkələrdə tətbiq ediləcək.

Yeni funksiya kiçik biznes sahiblərinin müştərilərinə asan yolla geridönüş etməsini təmin edəcək. İstifadəçilər “WhatsApp”a gələn şəxsi və işlə əlaqədar olaraq yazılan mesajları daha rahat bir-birindən ayıra biləcək. Bu həm də bütün dünyada 1,3 milyard istifadəçisi olan “WhatsApp” platformasından istifadə edənlər üçün də yaxşı bir təcrübə olacaq.

“WhatsApp Business”in diqqət çəkən bəzi funksiyaları isə belədir:

- Biznes Profil: Müştərilərə biznesin tanıdılması, e-mail və ya mağaza adresi, veb saytı linki kimi əhəmiyyətli informasiyaları verəcək;

- Mesajlaşma Vasitələri: Biznes sahibləri ağıllı mesajlaşma vasitələri ilə əlavə zaman qazana bilərlər. Bu vasitələr arasında tez-tez verilən suallar üçün sürətli cavablar, biznesinizi insanlara tanıtmaq üçün qarşılama mesajları, məşğul olduğunuz zaman istifadə edə biləcəyiniz mesajlar yer alır;

- Mesajlaşma Statistikaları: Mesajların neçəsinin oxunduğuna dair metrik məlumatlar əldə edilərək analiz aparıla bilər;

- “WhatsApp Web”: “WhatsApp Business” masa üstü kompüterlərdə də istifadə edilə bilər.

- Hesab növü: Müəssisələr biznes hesabı olaraq siyahıya alınır. Bunun hesabına insanlar biznes subyektləri ilə mesajlaşdıqlarını başa düşürlər.

“WhatsApp Business” biznes sahiblərinə daha asan və sürətlə əlaqə qurmasına kömək olacaq.

Qeyd edək ki, yenilik qonşu ölkə olan Türkiyədə yaxın günlərdə tətbiq ediləcək. Yenilik “Google Play” mağazasında yerini alacaq. Azərbaycana gəlincə yenilik ölkəmizdə hələki dəstəklənmir.

https://play.google.com/store/apps/details?id=com.whatsapp.w4b