"Beynəlxalq Valyuta Fondu", Fransanı dövlət borcunun artmaması üçün gələn ildən büdcə kəsirini azaltmaq üçün fiskal siyasətinə düzəlişlər etməyə çağırıb.

Facemark.az xarici mənbəyə istinadən xəbər verir ki, Fransanın 2023-cü ilin əvvəlindən maliyyə vəziyyətini nəzərdən keçirməsini və iqtisadiyyatını konsolidasiya etməsini tələb edən hesabatda elektrik və qaz qiymətlərinin dondurulması, enerji yoxlamaları, yanacağa endirimlər səbəbindən Fransa bir il ərzində "ÜDM"in 2 faizindən çoxunu xərcləyib. Hesabatda, hökumətin “nə lazımdırsa” deyərək işsizliyin və müəssisələrin bağlanmasının qarşısının alınmasına verdiyi dəstəyin "Covid-19" epidemiyası səbəbiylə xeyli pisləşən dövlət büdcəsi üçün çətin bir yük olduğuna diqqət çəkilib.

Çağırılan hesabatda Parisin büdcə kəsirini azaltmağı əvəzinə 2024-cü ilə qədər təxirə saldığına diqqət çəkilib.