Qlobal smartfon bazarı 2021-ci ilin birinci rübündə 20% böyüyüb. Beləliklə, keçən il COVID-19 tərəfindən sarsılan smartfon bazarı nisbətən bərpa olunub deyə bilərik. Yaxşı rəqəmlər nə deyir və 2021-ci ilin ilk rübündə ən çox satılan smartfon markası hansıdır?

Facemark bildirir ki, açıqlanan rəqəmlərə görə, “Samsung” əsaslı geri dönüş edib. Cənubi Koreya şirkəti 2020-ci ilin 4-cü rübündə itirdiyi liderliyini 2021-ci ilin birinci rübündə “Apple”dan geri alıb. Beləliklə, 22% satış nisbəti ilə ilk sırada yer alan Samsung-u 17% ilə Apple izləyir.

Xüsusilə son vaxtlar Çin şirkətlərindən əhəmiyyətli addımlar görürük. Ancaq bu dəfə özündən bəhs etdirən şirkət “Huawei” deyil. “Xiaomi” (14%) və “OPPO” (11%) 3-cü və 4-cü sırada özlərinə yer tapıblar.

Qlobal smartfon tədarükü 2020-ci ilin 4-cü rübünə nisbətən 10% azalsa da, illik hesabat olaraq 20% artıb. Bu dövrdə təxminən 355 milyon smartfon tədarükü qeydə alınarkən digər tərəfdən qlobal bazarda liderliyini itirən Apple Şimali Amerikada bazar lideridir. Şimali Amerikadakı bazarın 55%-i Apple-a, 28%-i isə Samsung-a məxsusdur.