2018-ci ildə bazar dəyəri 1 trilyon dollara çatan, dünyanın ən dəyərli şirkəti olan Apple-ın qurucusu Stiv Cobsun həyatı ilə əlaqədar yeni detallar orataya çıxıb.
Lisa Brennan 1978-ci ildə Cobsun sevgilisi Chrisann Brennan ilə bərabərliyindən olan qızıdır. O, ötən ilin sentyabrın 4-də işıq üzü görən kitabında atası tərəfindən rədd edildiyini və onunla yaşadığı mürəkkəb əlaqəni izah edib.
“Mənim varlığım onu məhv edirdi. Mənim üçün isə tamamilə əksinə idi. Ona nə qədər yaxın olsam, özümü o qədər təhlükəsiz hiss etdirdim. O, bu dünyanın bir hissəsi idi və işığa yaxınlaşmağımı asanlaşdırırdı”,- deyən Brennan Jobs, atasının ondan illərdir gizlətdiyi sirləri sonradan öyrəndiyini dedi.
Rəssam olan anası Chrisann Brennan və atası qeyri-rəsminikahda olduğu üçün Brennan dedi ki, Cobs onu və anasını asanlıqla rədd edə bilər və sözlərinə belə davam etdi:
“Əlbəttə, hər ikisinin xoşbəxt olduğu vaxtlar var idi. Anam mənə hamilə qaldıqda, ikisi ad kitabçası alıb bir park skamyasında oturdular.
Səhifələr qarışanda ağıllarındakı adı tapa bilmədilər. O vaxt anam Lisa adını təklif etdi və atam da qəbul etdi”.
Brennan Jobs, atasının Apple-ın Lisa adlı ilk fərdi kompüterinə öz adını verdiyini daim inkar etdiyini açıqladı.
“Bu hekayə mənə və şəxsiyyətimə toxundu. Kompüterlərə əhəmiyyət vermədim.
Onlar plastik qablarda sabit metal hissələri və parlaq xətlərə sahib idi. Uşaq olanda bu kompüter vasitəsilə atama əlaqəli olmağı hiss etmək xoş idi.
Bu o demək idi ki, istəməsəm də, birtəhər bu dünyaya və texnikalara bağlandım. Mən hamısının bir parçası idim”.
U2 aparıcı müğənnisi Bono və Stiv Cobs-un bir vaxtlar yaxın dost olduğunu deyən Brennan Jobs xatirəsini danışmağa belə davam etdi:
“27 yaşım var idi. Atam və mən Bononun sahildəki villasına getdik. Yemək yeyərkən etdikləri bir söhbətdə dünyanı fərqli cəhətlərdən dəyişdirən iki inrsanın hisslərini bölüşdülər.
Bono birdən mənə atamın batırdığı Liza kompüterini xatırlatdı. Ondan adının məndən sonra qoyub qoymadığını soruşdu.
Atam tərəddüd etdi, uzun müddət qarşısındakı boşqaba baxdı və sonra Bonoya tərəf döndü. Sonra “Bəli, belədir” dedi. Stula oturdum. Bono “Mən də elə düşünmüşdüm”. Atam yenə “Bəli” dedi.
Atamın üzünü oxumağa çalışdım. Nə dəyişmişdi? Bütün bu illərdən sonra niyə etiraf etdi? Yalanları illərdir gülünc görünürdü.
Əlbəttə, adını məndən almışdı. Böyük bir yükün çiyinlərim üzərindən qalxdığını hiss etdim. “İlk dəfə “Bəli” dedi Bona soruşduğuna görə təşəkkür edirəm."
Brennan Jobs-un yazdığı kitabda 2011-ci ildə 56 yaşında vəfat edən atasının son günlərdə də ona qarşı hərəkətlərini eyni davam etdirdiyini bildirdi:
“Uğur qazandıqca şeytan olurdu”. Ona baş çəkməyə getdim. Mənə tualet kimi iy verdiyimi dedi. İstifadə etdiyim gül ətirli sprey səbəbiylə xərçəng olduğunu söylədi.
Bir dəfə işi bitdikdən sonra ondan Porsche-sini alıb-alamayacağını soruşdum. Kəskin bir səslə mənə dedi: “Heç bir şey almayacaqsan, məni başa düşürsən?”,- dedi.
Stiv Cobs qızı Lisa Brennan Jobsu 9 yaşında olarkən qəbul etdi və ondan üzr istədi. 41 yaşlı jurnalist-yazar, atası ilə bütün ömrü boyu enişli-yoxuşlu bir əlaqəsi olduğunu söyləyib.
Cobs qızını qəbul edənə qədər 6 dəfə DNT testini aparıb.
Brennan Jobs, Apple qurucusunu uğur qazandıqca şeytanlaşan bir insan olaraq təsvir etdi.
Steve Jobs 1991-ci ildə Laurene Powell ilə evləndi. Cütlüyün Eve Jobs, Erin Siena Jobs və Reed Jobs adlı üç övladı oldu.
