Çinli elektrik avtomobil istehsalçısı "Nio" və texnoloji nəhəng "Tencent" bəzi sahələrdə birgə işləyəcəklər.

Facemark.az xarici mənbəyə istinadən xəbər verir ki, oyun, sosial media və bulud hesablama nəhəngi "Tencent", "Tesla"nın Çindəki rəqiblərindən biri olan "Nio" ilə əməkdaşlıq müqaviləsi imzalayıb. Texniki nəhənglər Pekinin yeni enerji avtomobillərinə diqqət yetirməsindən yararlanmaq istəyirlər. "Nio" və "Tencent" bazar ertəsi bildiriblər ki, sürücülər üçün yüksək dəqiqlikli xəritəçəkmə sistemləri üzərində birgə işləyəcəklər.

"Nio" həmçinin məlumatların saxlanması və avtonom idarəetmə üçün "Tencent"in bulud hesablama infrastrukturundan istifadə edəcək.