Enerji böhranı, inflyasiyaya yönəlmiş faiz siyasəti və müdaxilə edilə bilməyən tənəzzül iflas dalğasını artıracaq.

Facemark.az xarici mənbəyə istinadən xəbər verir ki, qlobal kommersiya iflaslarının 2022-ci ildə 10 faiz, 2023-cü ildə isə 19 faiz artacağı proqnozlaşdırılır. Hesabatda bildirilib ki, enerji böhranı Avropa şirkətləri üçün hökumətlərin yalnız qismən kompensasiya edə bildiyi böyük gəlir şoku deməkdir. "Allianz Trade" tərəfindən təhlil edilən ölkələrin yarısında 2022-ci ilin birinci yarısında kommersiya iflaslarında ikirəqəmli artım qeydə alınıb. Bu artımın üçdə ikisi İngiltərə, Fransa, İspaniya, Hollandiya, Belçika və İsveçrədəki "KOM"ların hesabınadır. ABŞ, Çin, Almaniya, İtaliya və Braziliya uzun müddət aşağı iflas səviyyəsini qoruyub. Kommersiya iflaslarının ən çox artdığı sektorlar nəqliyyat, tikinti, B2C xidmətləri və istehsalat olub.